3. urtez jarraian, Santa Eskean aritu ziren auzotarrak\
\
www.xanjuandei.com\
\
Santa Ageda bezperatik gertuen dagoen larunbat goizean egin ohi dute ekimena XJ auzolaneanekoek. Kasualitatez, aurten larunbatean suertatu da ordea bezpera.\
\
Eguraldi hotzari aurre eginez, goizean goiz bazterrak berotzen hasi ziren trikiti hotsarekin. Aurten, inoiz baino lehenago hasi ziren, “goizeko 8:30etan, lehenengo aldiz auzoko baserrietara ere iristea” baitzen helburua.Gustura agertu dira berrikuntza honekin, “baserritarrek eskertu egin dute eurengana hurbiltzea”.\
\
Ondoren hamaiketakoa egin eta ohiko moduan, auzoko kaleetan aritu ziren eskean bazkalordura arte. Baigera IIn bazkaria egin eta Azpeitiko alde zaharrean jarraitu zuen parrandak.\
\
Santa Eskean ateratako dirua, ostiralean irekiko den auzoko lokalean burututako lanen kostuei aurre egiteko erabiliko dute, nahiz eta “ez zaigun iritsiko dena ordaintzeko”.
Gaurko ametsak biharko albiste izan daitezen, beharrezkoa dugu zure babesa.
Egin bazkide
Egin bazkide