Atzo, ekainak 24, Hazparneko (Lapurdi) danborradaren 20. urteurrenaren harira, 40 bat azpeitiarrez osatutako danbor talde bat bertan izan zen. Basazabal, Gure Ametsa, arrantzaleak, Arauntza, Sanjuandegi eta Loiolabide Zahar elkarteetako ordezkariak izan ziren bertan. Azpeitiko danborjoleez gain, Baionakoak, Donezaharrekoak, Biarritzekoak, Hendaiakoak eta Ziburukoak ere izan ziren Hazparnen. 08:00etan abiatu ziren azpeitiarrak Hazparnera, eta lau orduko danborrada eta gero, bazkaria egin zuten.
Azpeitia eta Hazparne senidetuta daude 80ko hamarkadatik.