Bart jokatu dute Oilo Soron ere Azpeitiko soziedadeen arteko II. mus txapelketaren lehen faseko kanporaketa (argazkietan, partida batzuk), eta Iñaki Arregi-Iñigo Orbegozo bikotea izan da txapelduna. Arkumea, ardo kaxa eta gazta irabazi dituzte. Julen Etxeberria-Xabier Aranbarri bikotea izan da beste finalista, eta bi parejak txapelketako final nagusira sailkatu dira. Hain zuzen, abenduaren 1ean (zapatua) izango da final handia, Sanagustin kulturgunean, arratsaldez.\
\
Azpeitiko Kultur Mahaiak antolatu du mus txapelketa, soziedadeekin elkarlanean, bi helbururekin: soziedadeen arteko hartu-emana gehiago sustatzea, eta Kultur Mahaia diruz laguntzea, ondo pasatuz.\
\
Sariak\
\
- Lehen fasean. Soziedade bakoitzeko bikote irabazleari arkumea eta ardoa (gutxienez zortzi bikotek jokatu behar dute sari hori eskuratzeko).\
\
- Fase finalean. Aurrenarentzat 1.000 euro + txapelak. Bigarrenarentzat 500 euro. Hirugarrenarentzat otarrak. Laugarrenarentzat Sanagustinen afaria.
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide