Foru Ibilbidean, Udal Liburutegiaren aurreko zebrabidean, abiadura moteltzeko koska egiteko lanak hasi ditu Udalak. Denon Artean aurrekontu parte-hartzaileen baitan, Juan XXIII auzoko bizilagunek gune horretan segurtasun neurriak hartzeko eskatu zuten, autoak azkar igarotzen zirela-eta. Udalak zebrabidean koska egiteko lanak datorren astean amaitzea aurreikusten du, eta lanek 5.000 euroko aurrekontua dute.