Aurreko astean sinatu zuten akordioa Eneko Etxeberria San Martin Egoitza Fundazioko lehendakariak eta egoitzako langileen ordezkariak (argazkian). "Hitzarmena sinatzea garrantzitsua da -adierazi dute udal arduradunek-, izan ere, uztailaren 7a baino lehen ez sinatuz gero, Espainiako hitzarmena izango zuten indarrean egoitzako langileek; eta lan erreforma honen ondorioak anitzak izango ziren, besteak beste, soldata 400 euro murriztea eta urtean 200 lanordu gehiago egiteko arriskua baitzuten". (AZPEITIKO UDALA)