Jon Goenaga Egaña azpeitiarrak 2013ko ikasle aipagarriaren saria jaso du Elgoibarko Makina Erremintaren Institutuan (IMH). Joan den ekainaren 21ean banatu zituzten IMH Sariak; hamaikagarren edizioa bete dute aurten. Goenaga Fabrikazio mekanikoko produkzioaren programazioko goi-mailako heziketa zikloko ikaslea da. 36 urteko azpeitiarrak 500 euroko ikasketa-poltsa jaso du sari bezala. Argazkian, erdian, saria eskuetan duela eta etxekoekin ageri da Goenaga. (Argazkia: IMH).