Iraurgi Lantzenek antolatuta, joan den ostegunean, uztailak 10, Merkataritza joeren inguruko jardunaldia egin zen Sindikatu Zaharrean. Bertan, merkataritza joerak azaldu zituen IKUSMERek, eta Elkarmediak Hemenbuy plataforma erakutsi zuen. Parte-hartzeari dagokionez antolatzaileak gustora geratu ziren: "Merkataritza bizirik dagoen seinale izan da parte hartzea, eta teknologiak dituen aukerez jarduteko gogotsu zeuden parte-hartzaileak".