Lagun Onak Mendi Bazkunak eta Azpeitiko Argazki Elkarteak elkarlanean antolatuta, Mendiko XVIII. eta Udazkeneko XXIV. Argazki Rallya izan zen pasa den igandean. 09:00etan hasita, eguraldia lagun, hainbat argazkilarik hartu zuen parte rallyan. Datozen asteetan emango dute rallyko emaitzen eta sailkapenaren berri, eta Herriz herri sailkapenerako puntuagarriak izango dira argazkilariek lortutako emaitzak. Sari-banaketa eta bildumaren proiekzioa azaroaren 23an, zapatua, izango da Lagun Onak Mendi Bazkunaren egoitzan, 18:00etan hasita.