Izarraitz Igeri Elkarteko infantil, junior eta absolutu mailako igerilariek 2013-2014 ligako lehen jardunaldia izango dute zapatuan. Lehiaketa, Irungo Azken Portu igerilekuan izango da, 16:00etan hasita. Probak mistoak izango dira, iazko ligan bezala; hau da, neskek eta mutilek batera lehiatuko dute aurrez egindako denborak kontuan hartuta. \
\
Irailean hasi zituzten entrenamenduak eta bakoitzaren sasoia nolakoa den jakiteko balio izango du Irungo lehiaketak. \
\
Azpeititik joango diren igerilariak honako hauek dira:\
\
• Jon Aizpuru (1998), infantila\
• Oihana Goenaga (1999), juniorra\
• Maialen Aizpuru (2000). infantila\
• Eva Astigarraga (2000), infantila\
• Aiora Beristain (2000), infantila\
• Jone Goenaga (2001), infantila\
• Nerea Berasategi (2001), infantila\
\
Oihana Goenagak, Jone Goenagak eta Nerea Berasategik, maila berria estreinatuko dute denboraldi honetan.\
\
Denboraldiko lehen proban sasoi puntu onena ez izan arren, ziur dena emango dutela uretan.\
\
Zorte on denei!!\
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide