Lagun Onaken hamaikakoa:\
\
Atezaina: Andoni Errasti\
Atzelariak: Julen Egaña, Iñigo Celihueta, Asier Goikoetxea, Hodei Tena\
Erdilariak; Julen Aranburu, Iosu Aranburu, Ibai Salvador, Aitor Zabala, Iker Uribarren\
Aurrelaria: Adrian Abasolo\
\
Aldaketak:\
\
- 70. min: Joanes Otamendi, Iosu Aranburuen ordez\
- 80. min: Oinatz Elustondo, Aitor Zabalaren ordez\
- 85. min: Juanma Iparragirre, Iker Uribarrenen ordez\
\
Golak :\
\
- 1-0, 55. min: Ibai Salvadorrek, Balmasedako atezainaren hutsa aprobetxatuz.\
- 2-0, 69. min: Aitor Zabalak, taldeak egindako jokaldi on bati amaiera emanez.\
\
Puntuak, beti ere aurkako entrenatzailearen arabera\
\
- 3 puntu: Adrian Abasolo\
- 2 puntu: Ibai Salvador\
- 1 puntu: Goikoetxea\
\
Sailkapen nagusia www.lagunonak.com web orrialdean duzue\
\
Denboraldiko partidarik onena burutu zuen Asier Olaizolaren taldeak, Garmendipen jokatutako partidak kontuan izanda behintzat. Irabazi, eta joko ona eginez gainera; Garmendipera hurbildu ziren zaleak gustura atera ziren Garmendipetik.\
\
Lehen zatia orekatua izan zen baina azpeitiarrak gehiago hurbildu ziren aurkako atera, besteak beste gol bat ere anulatu zien marrazain batek; gol bikaina gainera, Tenaren erdiraketa bikain bati erremate ezinhobea eman baitzion Adrianek.\
\
Hala eta guztiz, bigarren zatian ere nagusi izan ziren Kiruri jatetxeak babesten dituen taldeko kideak eta oraingoan gainera bi gol eder sartuta, batez ere bigarrena.\
\
Urte hasiera on honi jarraipena eman behar zaio datorren astean, sailkapenean laugarren den Gernikaren etxean.\
\
Lagun Onak Futbol Taldea
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide