Gazte Asteari hasiera eman diote gaur, astetelehena. Arratsaldean ekin diote gazteek jaiari. Hasteko, kalejira egin dute Sanjuandegitik Gaztetxera, mozorrotuta. Giro ederra ibili dute kalez-kale. Gaurkoan, urteroko ohiko txupinazoaren ordez, hainbat suziri bota dituzte ibilbidean zehar; baita plazan ere, udaletxe azpian.
Ondoren, Salhaketa elkarteko kideek hitzaldia eskaini dute, eta 'Zigorrean oinarritutako politikei alternatiba bat garatzeko mugimendu baten eraikuntza' dokumentua aurkeztu dute Gaztetxean.