Ekainean egingo dituzte AzpeitIbili proiektuaren baitan antolatutako azken ibilaldiak, uztailean eta abuztuan oporrak direlako. Iraletik aurrera, berriro hasiko dira paseoak ohiko ordutegian: astelehen eta ostegunetan 10:00etatik 11:30era.
Ekimena izaten ari den erantzunarekin gustura agertu dira Udaleko Kirol saileko ordezkariak, eta ekimena "oso ondo" doala azaldu dute: "Gero eta jende gehiago ari da animatzen, eta bataz beste, 13 herritar ibiltzen dira saio bakoitzean. Gainera, gizonezkoak ere hasi dira etortzen".