'Fracking Ez' taldeak antolatutako sinadura bilketa ibiltaria Azpeititik pasatu da, gaur, asteazkena, 18:00ak inguruan. Ekainaren 30ean hasi ziren bizikletaz sinadura bilketa egiten, eta uztailaren 5a bitartean jarraituko dute.
Egitasmoa antolatu duen taldeak eskatuta, herria "fracking gabeko gune" izendatzeko mozioa onartu zuen Udalak ekaineko ohiko udalbatzan.