Herriko sei puntutan eskuratu daiteke Nafarroako hegoaldean ekoitzitako olioa

Errigoraren kanpaina aurrera eramateaz arduratuko da Elkar-ekin taldea datozen asteotan. Olioa eskatzeko hiru modu egongo dira. Batetik, herrian jarri ditugun salmenta puntuetan eskatu daiteke: Sanagustin kulturgunean, Etxe-Zuri, Orkatz, Pikua, Izaro eta Jim Clark, Lorea (Urrestillan) tabernetan.\ \ Bestetik interesa duenak Elkar-ekineko kide bati zuzenean eskatu diezaioke. Eta azkenik www.errigora.eus helbidean dagoen formularioa beteta ere eskatu daiteke.\ \ Bi olio mota eskainiko dira: Ekologikoa eta konbentzionala. Bost litroko bidoietan salduko dugu olioa, ekologikoa 28 eurotan eta konbentzionala 20 eurotan (aurten egin duen kazkabarrak eragin handia izan du uztan eta prezioak iaztik igo egin dira).\ \ Olioa eskatzeko azken eguna martxoaren 4a, asteazkena, izango da. Ondoren, martxoaren 9an, 10ean eta 11n iritsiko da olioa herrietara, eta abisua pasako dugu jasotzera etortzeko. Martxoaren 13an, 18:00etatik 19:00etara banatuko dugu olioa Soreasuko lokalean.\ \ Elkar-ekin taldeak elikadura burujabetzaren bidean ekarpen xumea egin nahi du ekimen honen bitartez. Bertako ekoizpena lagunduz, kooperatismoa bultzatuz eta ekonomia eraldatzailearen alde indarrak batuz.\ \ Edozein zalantzarako kontaktua:\ \ azpeitia@errigora.eus\ elkar_ekin@hotmail.com