Begoña Uharte eta Amaiur Martinez ekintzaileek Greziako errefuxiatuen inguruko solasaldia eskainiko dute otsailaren 15ean

Begoña Uharte eta Amaiur Martinez ekintzaile nafarrak 'Errefuxiatuak Grezian, elkartasuna eta desobedientzia' solasaldia eskainiko dute otsailaren 15ean, Sanagustin kulturgunean, 19:00etan hasita.\ \ Begoña Uharte ezaguna egin da azken aldian, Greziatik hainbat errefuxiatu zekartzala beste lagun batekin batera atxilotu zutelako. Amaiur Mendizabal, aldiz, Help-Na elkarteko kidea da, eta gertutik ezagutzen du Grezian dauden errefuxiatuen egoera.\ \ Elkar-ekinek antolatu duen hitzaldiaren asmoa da, besteak beste, errefuxiatuen gaia jorratuko duen lantaldea sortzea. Izan ere, hitzaldi horretatik abiatuta herrira begira gaiaren inguruko lanketa bat egitea da Elkar-ekinen nahia, beti ere herritarren artean horretarako gogoa dagoela ikusiz gero.