Koadernaketa tailerraren lehen saioa zapatuan izango da Emakumeen Txokoan

Tapa gogordun agenda estiloko koadernoak josten ikasteko tailerra da honakoa. Norbere gustura diseinatu eta erabili daitezkeen liburuak egingo ditugu bertan (eguneroko edo zirriborro-koaderno gisa, esaterako), eta koadernaketaren artearekin zeharka lotzen diren beste jarduera batzuk ezagutzeko aukera ere izango da. Tailerrean garrantzia emango diogu materialak ezagutu, eskuartean erabili eta eraldatzeari.\ \ Tailerra doan izango da. Izen-ematea, berriz, Udaleko Parekidetasun sailean edota Emakumeen Txokoan egin daiteke, otsailaren 3a bitartean.\ \ Gidaria: Leire Arenas Belamendia \ Iraupena: 9 ordu (tailerra doan izango da) \ Egunak: otsailak 4, 11 eta 18, larunbatetan. \ Ordutegia: 10:30etik 13:30era. \ Hizkuntza: euskara.