Zapatu honetan, apirilaren 1ean, Bergarako Agorrosin igerilekuan egingo dute igeri Izarraitz Igeri Elkarteko txikienek. Txapelketa 16:00etan hasiko da, eta bertara autobusez desplazatuko dira Azpeitiko igerilariak. Bergarara joan ahal izateko autobusa 14:15ean izango da.\
\
Honako probak egingo dituzte Izarraitzeko igerilariek: 2008. urtean jaiotakoek 25 metro tximeleta, 2007. urtean jaiotakoek 50 metro tximeleta. Erreleboetan, berriz, 2008. urtean jaiotakoak eta 2007. urtean jaiotakoak 6×25 metro bular mistoan lehiatuko dira.\
\
2006. urtean jaiotako mutilek 200m libre eta 100m estiloak egingo dituzte. 2006. urtean jaiotako neskek eta 2005. urtean jaiotako mutilek 400m libre eta 100m estiloak. Erreleboetan, berriz, 4×50 estiloa proba izango dute.\
\
Alebinen kasuan, (2004. urteko neka-mutilak eta 2005. urtean jaiotako neskak) honako probak egingo dituzte Oñatin, 15:30etik aurrera: 800m libre eta 200m estiloak nesken kasuan eta 1500m libre eta 200m estiloak mutilen kasuan.\
\
Horretarako, Oñatira kotxez joango dira, eta 13:30ean abiatuko dira Azpeitiko igerileku aurretik.\
\
Zorte on, eta disfrutatu!\
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide