Herritar asko izan dira aurtengoan ere Nafarroan ekoitzitako olioa eskatu dutenak. Olio poteak herrian daude jada eta herenegun hasi ginen Elkar-ekineko kideak banaketarekin.\
\
Gure lanak errazteko, garrantzitsua izango da jendeak epeak errespetatzea:\
\
- Sanagustinen, Elkargunean eta sarean eskaera egin dutenek asteburu honetan jaso beharko dute olioa Azpeitiko Elkargunean. Gaur, ostirala, 16:00etatik 20:00etara eta larunbatean 10:00etatik 13:30era egongo da Elkargunea irekita.\
\
- Beste lekuetan eskatu dutenek, eskaturiko lekuan bertan jaso beharko dute.\
\
- Norbaitek ezin badu, inguruko norbait bidaltzea eskatuko genioke.\
\
Datorren astean itxi nahi dugu banaketa guztia, gehiago luzatu gabe. Denon ahalegina eskatuko genizueke, beraz.\
\
Bestetik, gogoratu kontserbak ekainaren hasieran banatuko ditugula.\
\
Azkenik, aipatu olio konbentzionalaren pote batzuk sobera gelditu zaizkigula; beraz, Orkatzen edo Elkargunean eskuragarri daude oraindik.
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide