Hiru puntu eskuratu zituen Real Unionek atzo, igandea, Gernikaren aurka Gal futbol zelaian jokatutako partidan. Irungo taldeak 5 eta 4 hartu zuen mendean Bizkaiko taldea, partidaren luzapenean, 93. minutuan, Mikel Orbegozo fubolari azpeitiarrak sartutako golari esker. Ez zen izan gol hori, baina, Orbegozok sartutako bakarra; izan ere, 19. minutuan penaltiz sartutako gola tarteko aurretik jarri zuen azpeitiarrak etxeko taldea, eta handik sei minutura beste gol bat sartu zuen. Azpeitiarraren 'hat trick'-ak eman zion garaipena Real Unioni. Argazkian, Orbegozo atzo hiru golak sartu zituen baloiarekin. (Real Union)
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide