Joan den asteburuan, otsailaren 2an eta 3an, alebin mailako Igeriketako Gipuzkoako Eskolarteko Txapelketa jokatu zen Bergarako Agorrosin igerilekuan. Izarraitz Igeri Elkarteko ordezkariak honako igerilari hauek izan ziren: Mikel Etxeberria, Julen Artetxe, Elene Sudupe, Elene Ruiz Argandoña, Anne Sagarmendi, Nahia Esteban, Nora Zubizarreta, Maddi Manterola, Sara Garate eta Maialen Aranguren.\
\
Izarraitzekoek txapelketa oso ona egin zuten. Aurreikusitako helburuak bete zituzten igerilariek Bergarako txapelketan. Ziortza Beistegi entrenatzailea \"oso gustura\" gelditu zen Izarraitzekoek egin zuten lanarekin.\
\
Izarraitzekoen lorpen aipagarrienak honako hauek izan ziren:\
\
- Elene Sudupek, alebin nesken sailkapen orokorrean lehen postua.\
- Urrezko domina bat, zilarrezko beste bat eta brontzezko hiru domina lortu zituzten bakarkako probetan.\
- Igerilari gehienek marka pertsonalak lortu zituzten proba askotan.\
- Udako Euskal Herriko alebin txapelketarako gutxienekoak.\
\
Zorionak egiten ari zareten lanagatik eta segi horrela!
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide