Bihar egingo dute eguraldiagatik atzeratutako Emakumeok Plazara

Urtero bezala, Marea Arroxak Emakumeok Plazara ekimena antolatu zuen joan zen abuztuaren 1erako, baina eguraldiak lagundu ez zuenez eta euria ari zuenez, hitzordua atzeratzea erabaki zuen jai herrikoien batzordeak. Festak igarota, bihar, hilak 7, arratsaldean egingo dute Emakumeok Plazara. Erdikaleko horma batean murala margotzea da asmoa. Hitzordua 16:00etan jarri dute Erdikalean bertan, eta egitasmoaren antolatzaileek herriko emakumeei dei egin diete murala margotzera anima daitezen.

Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide