Lagun Onakeko gizonen lehen taldeak mailari eustea bermatuta du dagoeneko, eta kluba hasi da 2020-2021 denboraldirako lehen urratsak egiten. Hain zuzen ere, denboraldia amaituta eta mailari eutsita, gizonen lehen taldea zuzentzen jarraituko dute Aitor Zubizarreta entrenatzaileak eta Mikel Elizegi laguntzaileak. \
\
Espainiako Futbol Federazioak apirilaren erdi aldean utzi zuen bertan behera Espainiako Hirugarren Mailako liga, eta jaitsiera postuetan ziren taldeak ez jaistea erdietsi zuen; jaitsiera postuetan ziren taldeen artean zen Lagun Onak, baina erabakia tarteko maila berean segituko du datorren denboraldian ere.
Gaurko ametsak biharko albiste izan daitezen, beharrezkoa dugu zure babesa.
Egin bazkide
Egin bazkide