Gaurtik igandera bitartean San Martin jaiak ospatuko dituzte Errezilen, eta festetara doazenei joan-etorria errazteko, Azpeitia eta Errezil arteko autobus zerbitzua indartu du Errezilgo Udalak, Lurraldebus UK-02 autobus zerbitzua eskaintzen duen La Guipuzcoana autobus konpainiarekin.
Bihar, ostirala, 20:00etan Azkoitiko Munibeko geralekutik irtengo du autobusak; Azpeitian 20:10ean egingo du geldialdia Anbulatorio aurreko geralekuan, eta Errezilera 20:25ean iritsiko da. Kasu honetan, ohiko UK-02 autobus zerbitzuaz gainera, 50 plazako beste autobus bat egongo da Azpeitia eta Errezil artean. Errezilen 21:00etan dute herri afaria.
Errezildik Azpeitira itzultzeko, larunbat goizaldean 50 plazako autobusak jarriko ditu Errezilgo Udalak La Guipuzcoanarekin. 02:30ean eta 06:00etan irtengo dute autobusek Errezildik Azpeitira.
Honakoak dira autobus zerbitzu bereziak:
Ostirala, azaroak 10
Azkoitia Azpeitia Errezil
20:00 20:10 20:25
Larunbata, azaroak 11
Errezil Azpeitia
02:30 02:45
06:00 06:15