Joan den ostiralean bertso afaria izan zen Errezilgo Letea jatetxean, Erniarraitz bertsozale elkarteak eta Errezilgo Udalak antolatuta, eta kanpoan hotz egiten zuen arren, giroa bero izan zen saioan zehar. Andoni Egaña eta Jexux Mari Irazu aritu ziren bertsotan, eta pieza ederrak eta umorez jantzitakoak eskaini zituzten saioan zehar. Entzuleak ere berehala sartu ziren saioan, eta giro paregabea sortu zen bertsoen bueltan. Trikiti eta pandero doinuak ere ez ziren falta.
