Olaldek bigarren egin du Kintopeko Idien Euskadiko Txapelketan

Iraia Oteiza 2024ko abe. 31a, 14:11

Atzo jokatu zen Kintopeko Idien Euskadiko Txapelketaren finala, Elgoibarren (Gipuzkoa). Urteko hiru idi parerik onenak lehiatu ziren han: Belamendi errezildarrarenak, Olalde urrestildarrarenak eta Billabaso maruritarrarenak. Belamendiren idiek lortu dute aurtengo markarik onena, 49 plaza osatuta. Olalde sailkatu da bigarren, eta Billabaso hirugarren.

Kintopeko Idien Euskadiko Txapelketako finala jokatu zuten atzo Elgoibarko Sigma probalekuan. Urteko hiru idi parerik onenak lehiatu ziren han, bi eskualdekoak eta hirugarrena bizkaitarra; hain zuzen, Belamendi errezildarrarenak, Olalde urrestildarrarenak eta Billabaso maruritarrarenak aritu ziren lehian.

Errezilgo Belamendi izan zen txapelketako irabazlea, bere idiek orotara 49 plaza osatu baitzituzten. Bigarren postua lortu zuen Urrestillako Olaldek, 48 plaza osatuta. Hirugarren saria, aldiz, Maruriko Billabasorentzat izan zen, eta bere idiek 40 plaza eta 4,35 metro egin zituzten.

(Argazkiak: Ibon Errazu)

Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide