Joan den larunbatean, Igeriketako XIX. Gabon Kopan parte hartu zuten Izarraitz Igeri Elkarteko benjamin eta alebin mailako igerilariek, Eibarren izandako saioan. Emaitza onak lortu zituzten kirolari gazteek, 13 domina lortuz: zortzi lehen postuagatik eta bost hirugarren postuagatik. Herriko 21 igerilari jardun ziren OƱati, Eibar, Bergara, Legazpi eta Azkoitikoekin lehian. Taldeka, igerilari gazteak hiru probatan parte hartu zuten. Benjamin neska-mutilen mailan bigarren postua lortu zuten; alebin nesketan bigarrena; eta alebin mutiletan, aldiz, hirugarrena. Argazkian, Izarraitz Igeri Elkarteko igerilariak entrenatzailearekin eta lortutako sariekin agertzen dira ('Urola Kostako Hitza').