Antxieta lehiaketako argazkiak ikusgai daude

XXIX. Juan Antxieta Argazki Lehiaketako sariak asteazkenean banatu zituzten. Lehiaketako gai nagusia sokamuturra da eta aurten, Iñigo Kortak jaso du lehen saria, Aranean ateratako argazki batengatik. Denera, 18 parte-hartzaile izan ditu lehiaketak eta 108 argazki aurkeztu dituzte. Ikusgai egongo dira hilaren 19r arte, Betharramdarretan: astegunetan 18:00etatik 20:00etara eta igande eta jaiegunetan 12:00etatik 14:00etara. Goiko argazkian, Iñigo Korta argazki irabazlearen aurrean, eta beheko argazkian, lehiaketako sarituak, banaketa ekitaldian. Informazio gehiago