Dagoeneko hasi dira Sanjuandegiko festen baitako ekitaldiak. Esaterako, Idiazabalgo txiste kontalariak izango dira gaur (asteazkena), 22:00etan, Erreka tabernan eta bihar (osteguna) Mus Txapelketa jokatuko dute, 21:00etan, Ongi Etorri Erretegian. Bihar, gainera, Azpeitiko Udaleko Festa Batzordeak antolatuta Haurren Barraka Eguna izango da Sanjuandegin, 17:00etatik 21:00etara bitartean. Barraketan ibiltzeko txartel bakoitza euro bat kostatuko da bihar arratsaldean. Festetako txupinazoa ostiral arratsaldean botako dute.