Bularreko minbiziaren kontrako eguna astelehenean (urriak 19) izan zen. Baina Azpeitian, urteroko legez, laxo arrosak banatzeko eguna asteartea (urriak 20) izan da, asteroko azokarekin batera. Goiz osoan zehar udaletxe azpian egon da laxoak banatzeko postua (argazkian), eta kalez kale ere ibili dira zeregin horretan, gaitzaren inguruko kontzientziazioa indartu asmoz.