Eskola Kirol Kontseiluak, hezkuntzarekin lotutako herriko talde eragile baten proposamenarekin bat eginez, I. Kirol Festa antolatu zuten larunbaterako. Bertan, Lehen Hezkuntzako Bigarren mailako 105 neska-mutilek hartu zuten parte. Betharrametako kirol gunean, sokatiran, lokots bilketan, zaku lasterketan, txingatan eta erreleboka jardun zuten gaztetxoek. Antolatzaileen arabera, "giro bikaina" egon zen bertan.