Alfonso Gallardo taldeko Corrugados Lasao enpresako langileek protestaldiekin jarraitzen dute. Abuztutik ordubeteko lanuzteak egiten jardun ondoren, joan den ostegunean, lau ordukoak egiten hasi ziren. Gaur, asteartea, plazan egin dute bilkura "enpresako zuzendaritzak azken urteetan izandako jarrera" salatzeko. Langileen arabera, "2008tik soldatak izoztuta ditugu, lanpostuek behera egin dute, lan baldintzak txarragoak dira eta 56 lan ordu gehiago egitea inposatu digute". Goiko argazkian Corrugados Lasaoko langileak udaletxe azpian.