Perretxiko edo Oktogono bezala ezagutzen den eraikinak igogailua du dagoeneko. Abenduan eta urtarrilean egin dituzte igogailua jartzeko lanak eta 76.163 euro kostatu da martxan jartzea. Eusko Jaurlaritza eta IMSERSO-ONCE erakundeek emandako diru-laguntzekin finantzatu dituzte lanak. EPA eta Helduen Eskola Publikoko ikasleei "erraztasunak ematea" izan da Udalaren helburu nagusia.