Jose Luis Borau Jordán Fundación Onceko teknikaria Azpeitian izan zen atzo, astelehena, goizean. Betharrametako eta Perretxikoko igogailuak ikuskatzen izan zen herrian. Izan ere, igogailu horiek egiteko lanek Imserso-Once hitzarmenari esker diru-laguntzak izan dituzte. Betharrametako igogailuaren aurrekontua 100.050 eurokoa izan da eta hitzarmena dela-eta, 66.035 euro jaso dituzte. Perretxikoko lanen aurrekontua, berriz, 76.739 eurokoa izan da eta, Imserso-Oncek 38.370 euro eman ditu. Goiko argazkian, Edurne Zubia Gizarte Ekintzako arduradun teknikoa, Jose Luis Borau Jordán Fundación Onceko teknikaria eta Julian Eizmendi Azpeitiko alkatea.