Azpeitiko Ikastola Karmelo Etxegarairen Berdelari eraikineko frontoia estaltzeko lanak berehala hasiko dituzte. Obrak hasi aurretik frontoiaren alboan hesiak jarri dituzte eta, horrela, obrak amaitu arte -San Inazio festak aldera amaitzea espero dute- Perretxiko eraikinetik Garmendi auzuneraino doan bidegorriaren zatia itxita egongo dela jakinarazi du Udalak. Altuna y Uria enpresak egingo ditu lanak eta proiektuak 300.000 euroko aurrekontua dauka. Irudian, frontoiak estali ondoren izango lukeen itxura ikus daiteke.