Udazken hasieran ohiko sokamuturra ez da ohikoa izaten Azpeitian, baina atzo arratsaldean ia lau orduz ibili zuten zezena kalez kale sokamutilek, Zezen Beltz Asteburuaren azken ekitaldian.
Hain zuzen ere, zezenzaleen elkartearen hamabosgarren urteurrena ospatzeko antolatu dute aurten sokamutur osoa, neguko festa nagusietan izaten duen ibilbide eta ordutegi berarekin. Ohi bezala, ikusmina piztu eta jende asko batu zuen sokako zezenak atzo, baina baita ez ohiko irudiak ere: jendea mahuka eta praka motzetan, udako itxuran, zezenean.
(Argazkiak: Unax Larrañaga)
