Astelehen buruzuriz San Martin eguna ospatu dute gaur San Martin egoitzan eta Lasao auzoan. Egoitzako astearen inaugurazio ekitaldia izan dute egoiliarrek. Ekitaldian Nagore Alkorta Azpeitiko alkatearen bisita izan dute egoiliarrek, baita odolkia dastatzeko aukera ere. 16:30ean, Barruko gar sekulako zahar antzerki emanaldia izango dute. Larunbatera bitartean San Martin egoitzako astea ospatuko dute.
Lasaon ere gaur hasi dituzte sanmartinetako ekitaldiak. 11:30ean meza izan dute, eta ondoren jubilatuak auzoko elkartean elkartu dira hamaiketakoa egiteko. Festei hasiera ofiziala emateko txupinazoa ostiralean botako dute Lasaon, eta ekitaldiz betetako asteburua izango dute auzoan.