Ikasturte honetako Grafiaz Betea egitasmoak aurrera darrai. Tipografiaren (Juan Luis Blanco zumaiarrarekin) eta kaligrafiaren ondoren, hirugarren grafiaren txanda iritsiko da datorren astean: pornografia.
Begoña del Teso kazetari eta zinema kritikari donostiarrak gidatuko du pornografiari eskainitako saioa. Datorren ostegunean, azaroaren 28an, egingo dute, 18:00etan hasita, Dinamoa sormen gunean, eta parte hartu nahi dutenak garaiz dabiltza izena emateko.
Sarrerak kulturaz.eus webgunean eskura daitekez; hamabost euro ordaindu behar da Del Tesoren saiora joateko; Kultur Bonua dutenek, berriz, bost euroren truke eman dezakete izena.