Maiatzaren 15etik 25era izango da Euskaraldiaren laugarren edizioa, eta Azpeitiko Udalak eman du egitasmorako izena. Gainera, udal ordezkariek parte hartuko dute Euskaraldiko Herri Batzordean –gaur izango da bigarren bilera, 18:00etan, Basazabalen–, eta egitasmoari atxikimendua agertzeko argazkia ere atera dute horiek.
Euskaraldian izena eman duten erakundeek hainbat eginkizun izango dituzte. Bestea beste, erakundeko kideei Euskaraldiaren berri emango diete eta horiek egitasmoan parte hartzera bultzatuko dituzte; ariketa ondo egiteko eta rolean eroso sentitzeko prestakuntza tresnak aztertuko eta partekatuko dituzte; eta ariketan parte hartzen ari direla ikusgarri egingo dute –txapak banatuta, espazio publikoak apainduta...–.