Aurtengo Euskaraldian parte hartu nahi duten eta oraindik izena eman ez duten herritarrek izena aurrez aurre emateko beste aukera bat izango dute bihar, asteartearekin, Azpeitiko plazan. Astearteroko azoka baliatuz, 09:30etik 11:30era bitartean jarriko dute izen emate mahaia Euskaraldiaren Azpeitiko lantaldeko kideek.
Joan den asteburuan jarri dute lehen aldiz izen emate mahaia, birritan, gainera: ostiral iluntzean, Sanjuandegin jarri zuten; eta atzo arratsaldean, berriz, Soreasu antzokiaren atarian, Euskelelea ikuskizuna hasi aurretik.
Biharkoa izango da martxoan Azpeitian aurrez aurre izena emateko azken aukera. Apiriletik aurrera, berriz, hau da izen emate mahaiak jarriko dituzten egunen, tokien eta ordutegien zerrenda:
- Apirilak 4, ostirala, plazan, 18:00etatik 20:00etara.
- Apirilak 10, osteguna, Sanjuandegin, 18:00etatik 20:00etara.
- Apirilak 29, asteartea, plazan, 09:30etik 11:30era.
- Maiatzak 9, ostirala, plazan, 18.00etatik 20:00etara.
Aurrez aurrekoa ez da, ordea, Euskaraldian izena emateko bide bakarra: Euskaraldiaren webgunean ere eman daiteke izena, ahobizi edota belarriprest rola aukeratuz.