Martxoko guraso eskolen barruan, beste solasaldi bat izango da bihar, osteguna. Migrazio prozesuak: zurrumurruak eta jarrerak izenburupean hitzaldia emango du Xabier Aierdi Begirune fundazioko kideak.
Egungo migrazio prozesuen inguruan soilik ez, etorkizunerako aurreikusten direnei buruz ere arituko da Aierdi. 18:00etan izango da hitzaldia, Basazabal jauregian, eta martxoko guraso eskolei itxiera emango dio.
Hilaren 12an egin zuten lehenengo saioa, eta euskara eta kulturartekotasuna izan zituzten hizpide. Bigarrenean, halaber, kultur aniztasunaz eta arrazakeriaz aritu ziren.