Larunbatean, Santio egunez, Misio taldeko kideek txekor erre eta hegaluze pintxoak salduko dituzte eguerdi partean plazan. Pintxoak salduz biltzen duten dirua bi lankidetza proiektutara bideratuko du Parrokiako taldeak: batetik, Venezuelara, Fe y Alegria elkartearen eta Alboan fundazioaren bidez; eta bestetik, Afrikara, Misiones Salesianas erakundearen bidez –Mikel Garmendia misiolari azpeitiarra izango da bitartekaria–.
Azpeitiko Parrokiako Misio taldeak "bihotzez" eskerrak eman dizkie urtez urte pintxoak erosita halako proiektuak laguntzen dituzten herritarrei. "Zuen elkartasunari esker, halako proiektuek aurrera egiten jarraitu ahal izango dute", zehaztu dute taldeko kideek.