Gaur, astelehena, herriko plazan egin dute geldialdia azaleko minbiziaren aurkako kanpainako boluntarioek, eta bertan izango dira 10:00etatik 13:00etara bitartean. Kanpainaren helburua azaleko minbizia ekiditeko prebentzioaren alde egitea da; umeen kasuan bereziki.
Plazara hurbildu direnek, azalean duten melanina maila neurtzeko aukera izan dute; baita eguzkia hartzerakoan kontuan hartu beharrekoei buruzko informazioa eskuratu eta azala aztertzeko moduari buruzko zehaztasunak jakin ahal izatekoa ere. Argazkian ikusten denez, jende ugari gerturatu da bertara.