Ostiralean izango da ikusgai GUKA magazinaren denboraldi berriko hurrengo atala, 22:00etatik aurrera, Erlo Telebistan nahiz Urolako Komunikazio Taldearen tokiko webguneetan; tartean Maxixatzen.eus-en.
Askotariko gaiak landuko dira saioan zehar, besteak beste, Zumaiako Ostarrena zineklubaren 27. urteurrenaren inguruko erreportajea, Miren Alcedo antropologo azpeitiarrari egindako elkarrizketa eta Urrutira joan gabe atalean Zestoako inguruetan egindako ibilaldia izango dira ikusgai ostiraleko saioan.
Urola Kosta eskualdea osatzen duten txoko, istorioei eta protagonistei ahotsa emateko helburuarekin sortu zuen UKT-k GUKA magazina. Honako hau 2022ko martxoko atalaren aurrerapen bideoa da.
Ikusi GUKA magazinaren atal guztiak honako lotura honetan.