Sanjuandegiko plaza jendez beteta zegoela jaitsi da Mantangorri beste urte batez, festei hasiera ofizialki emanez. Asteazkenetik auzoan jai giroan dabiltzan arren, ostiralarekin hasten dira festetako egunik potoloenak, eta jendez betetzen dira auzoko txoko guztiak. Atzo, txupinazoaren aurretik aldarrirako tartea ere hartu nahi izan zuten festa batzordeko eta Elkar-ekineko kideek, eta elkarretaratzea egin zuten auzoko plazan bertan.
Palestinako genozidioa gelditzeko eskatu ostean jaitsi zen Mantangorri, eta behin txupinazoa botata, buruhandiak eta trikitilariak ibili ziren kalerik kale festak girotzen. Gauean jarraitu zuen jaiak, Gazte Eguneko afariarekin, areto dantzen emanaldiarekin eta DJ eta kontzertuekin.
Gaur ere, egun osoan zehar izango da zer egina eta zertaz gozatua auzoan; izan ere, gaur Auzo Eguna ospatuko dute
Gazte Eguneko argazki bilduma, hemen.