Albistegia

Gaur goizean hasi dute Izarraizpe Open izeneko speedcubing txapelketa Azpeitiko Izarraizpe ikastola publikoan. Euskalcubing elkarteak eta Espainiako Speedcubing Elkarteak antolatu dute lehia, Mikel Manterola eta Ruben Lopez buru direla. Txapelketa gaur hasi badute ere, bihar ere izango du jarraipena; izan ere, igande arratsaldean jokatuko dituzte finalak. Guztira, 40 bat lagun ari dira txapelketan parte hartzen, eta horietako asko urrutitik etorri dira: Frantziatik, Portugaldik eta Espainiako hainbat txokotatik, besteak beste. Euskal hiztunak diren partaide batzuekin eta Mikel Manterola antolatzailearekin hitz egin du Gukak, txapelketaren nondik norakoak hobeto ezagutzeko.

Saharako 21 haur etorri dira Urola Kostara uda igarotzera; 11 harrera familietan daude, eta hamar Azpeitiko Ikasberrin atondu duten Bakeleku udalekuan.

2027ko San Sebastian bezperako danborradak itxura berria hartuko du. Ibilbidea mantenduko du, ez du geldialdirik egingo parrokian eta gauerdian danbor taldeak bi multzotan zatituko dira, hogeita lau plazan eta hamabi parrokian. Askotariko iritziak eragin dituzte plazako espazio faltari erantzuteko prozesuak nahiz hartutako erabakiek. Esaerak dioten bezala, zenbat buru, hainbat aburu. Horietako batzuk bildu ditu Gukak bideo honetan.

Gauerdian sartu dute lizarra Urrestillako plazan, eta sanjoanetan bete-betean murgildu dira hango herritarrak. Beroa bai, baina festarako gogoak lagundu du aitzakia hori alboratzen. 

Beroa. Hitz hori da egunotako protagonista nagusia. Beroa barrualdean, eta beroa, apalagoa bada ere, kostaldean. Baina nola daramate herritarrek beroaldia? Muturreko tenperaturei aurre egiteko erremediorik ba al dute? Guka kalera atera da erantzunen bila, eta bideo honetan dituzue herritarrek esandakoak.

Datuek diote autoa gidatzeko baimena ateratzeko adina atzeratzen ari dela, baina zer diote herritarrek? Guka kalera atera da haien iritzia jasotzera, eta bide batez, Asier Larrañaga Azpeitiko Urola autoeskolaren jabearekin ere hitz egin du.

Mantangorri auzora jaitsita, festa bete-betean murgildu da Azpeitiko Sanjuandegi auzoa. Ekitaldi horretan hartutako irudiekin osatutako bideoa da honako hau. Leire Betegi pregoilariarekin, Nora Aizpuru XJ Auzolanean batzordeko kidearekin eta zenbait auzotarrekin hitz egin du Gukak. 

Matx podcastaren bigarren denboraldiak sei kapitulu izango ditu, eta hileko azken igandeetan eskainiko dira. Denboraldi berriko lehen saioan, Nahia Zudaire igerilari zubietarra elkarrizketatuko du Aratz Losadak. 

Atzo, larunbata, Azpeitian ospatu zen Hanburgesa Festaren barruan bi lehiaketa jokatu ziren Azoka Plazan. Mendizaliek taberna izan zen Azpeitiko II. Hanburgesa Osatuen Lehiaketako txapelduna, eta Donostiako Bengoetxea harategiak irabazi zuen hanburgesarako haragi onenaren Gipuzkoako lehiaketako txapela. Mendizaletakoek taldean erabaki dute zer-nolako hanburgesa osatu lehiaketarako, eta gehitu dioten saltsa nabarmendu dute. Bengoetxeak, berriz, "haragi bereziarekin" egindako hanburgesa haragia aurkeztu du lehiaketara. Bietako inork ez ditu eman nahi izan xehetasunak. Mendizaleak tabernak datozen asteetan kartan aukeran edukiko du atzo txapelduna izan zen hanburgesa mota.

Eskola Kirol Festa izan dute gaur goizean Garmendipeko kirolgunean LH1etik LH6ra bitarteko ikasleek. Kirolarekin eta jolasarekin lotutako hamahiru txoko prestatu dituzte eta haietan ibiltzeko aukera izan dute kirolari gazteek, besteak beste, padlelean, paratxutean, zaku lasterketan, espartan, futbolean edota eskaladan. Festarekin bukatu dute multikirolaren ikasturtea.

Balearen Eguna ospatuko dute larunbatean Orion. Herri ikuskizuna izango da eguneko hitzordu garrantzitsuetako bat; Agirrezabalak eta Olaizolak zuzendu dute.

Domusa Teknik Lana trail taldeko mendi lasterkariak nabarmendu ziren atzo Azpeitian jokatutako probetan. Borja Zubizarretak eta Mayi Mujikak irabazi zuten Domusa Teknik 40 MLK lasterketa, eta Aritz Egeak eta Onditz Iturbek Domusa Teknik 15 MLK lasterketa.