Atzo, San Inazio bigarrenez, eskaini zuen Izarraitz txistulari taldeak aurtengo jaietako azken diana. Izarraitzekoak beren ohiko zereginetara itzuliko dira hurrengo festa egunen batean, baina ez Jose Mari Sagarzazu (Azkoitia, 1949). Izan ere, erretiroa hartzea erabaki du Sagarzazuk, eta 43 urtez saninazioetako ekitaldietan parte hartu ondoren, 2024ko udako festak izan dira bere txistulari ibilbideko azkenak; eta atzokoa, bere azken goiz eresia. EAJko kideek ezusteko agurra eskaini zioten Sagarzazuri atzo, goiz eresiaren ondoren, Pradales lehendakaria buru zutela.
Izarraitz txistulari taldeak 2018an bete zituen 40 urte eta urte hartako saninazioetako txupinazoa bota zuten txistulariek, Euskaraldiko kideekin batera. Urteurren haren karietara erreportajea eskaini zien Uztarria aldizkariak –aurrerapen bideo eta guzti–, eta han azaldu zituzten Sagarzazuk eta kideek lau hamarkadatako ibilbidearen hainbat kontu.
