IX. Irudhitzen lehiaketaren sariak banatuta, 2025eko Irudhitzen egutegiaren argazkien eta testuen erakusketa ireki du Gukak Sanagustin kulturgunean.
Iñigo Olarte argazkilaria eta Oier Etxeberria bertsolaria izan dira aurtengo egutegia osatzeko balio izan duen IX. Irudhitzen lehiaketaren irabazleak. Irudi onenaren saria eman dio epaimahaiak Olarteri, erdikaleko horma irudi bati ateratako argazkia tarteko, eta haren beste bi argazki ere aukeratu dituzte egutegirako. Etxeberriak, bere aldetik, laugarren aldiz irabazi du testu onenaren saria, argazki irabazleari jarritako hitzei esker. Bakoitzak 200 euroko saria eskuratu du eta gustura zeuden atzo. Sari banaketan biek egindako adierazpenak jasota daude bideo honetan.