Urolako Komunikazio Taldeak Guka aurkeztu du Azpeitian, bazkideen, kolaboratzaileen, herriko eragileen eta herritarren aurrean. Azoka Plazan egin dugu ekitaldia, eta besteak beste, bertsoak, elkarrizketak, bideoa, bingo musikatua eta jan-edanerako txokoa izan ditu ekitaldiak. Horrela, festa giroan, herritarrengana gerturatu dugu Guka, zuen babesik gabe ezinezkoa litzatekeelako gure proiektuak aurrera jarraitzea.