Urolako Komunikazio Taldeko beharginen gehiengoak bat egin du etxebizitza eskubidearen alde biharko deituta dagoen grebarekin. Guka egunkaririk ez da izango bihar, eta grebaren jarraipena baino ez du egingo hedabideak webguneetan.

Greba orokorra deitu dute etxebizitza sindikatuek eta gehiengo sindikalak azaroaren 11rako. Etxebizitzara sarbidea bermatzeko eta etxebizitzaren negozioarekin amaitzeko eskatuko dute. Urolako Etxebizitza Sindikatu Sozialistako Eneko Larrañaga eta Klara Lazkanoren, ELA sindikatuko Janire Landaluze eta Amagoia Lasagabasterren nahiz LAB sindikatuko Andoni Murgaren adierazpenak jaso ditu Gukak erreportaje honetan. Horrez gain, eskualdeko herrietan zehar kale inkesta egin du, jendearen iritziak jasotzeko.