Haur eta gaztetxo ugarik parte hartu dute arratsaldean YK Riders Fest-en barruko BMX, scooter, skate eta roller ikastaroetan. Eguraldia lagun, giro bikaina izan da skate parkean, eta datozen orduetan ere festarako bilgune izango da eremua. Izan ere, YK eta Arauntza Ridersek ekitaldi ugari antolatu dituzte datozen egunetarako.

YK eta Arauntza Riders hasi dira skate parkearen lehen bost urteak ospatzeko prestatu duten egitarau oparoa aletzen. Atzo iluntzean kalez kale ibili ondoren, gaur skate parkearen gunera eramango dituzte ekintzak eta festa giroa. Igandera arte jarraituko dute urteurrena ospatzen, eta zehaztu dituzte igandeko artisau azokan parte hartuko dutenen zein erromeria eskainiko duten trikitilarien izenak.